ފުވައްމުލައް ސިޓީގެ އެންމެ ފަހުގެ ސެޓަލައިޓް މަންޒަރާއި ގޯތިގެދޮރާއި ވިޔަފާރިތަކުގެ މަޢުލޫމާތު ހިމެނޭހެން ތައްޔާރުކޮށްފައިވާ ޚާއްޞަ ޑިޖިޓަލް ޗާޓް އިފްތިތާޙްކޮށްފިއެވެ.
މިއަދު އިފްތިތާހު ކުރި ޗާޓުން ރަށުގެ އެންމެ ފަހުގެ ހައި ރިޒޮލިއުޝަން 'ސެޓަލައިޓް ވިއު' ފެންނާނެއެވެ. ހައި ރިޒޮލިއުޝަން މި ޗާޓުން ޕްލޭނިން އަދި ކުދި ސާވޭތަކަށް ބޭނުންވާ ސެޓެލައިޓް އިމޭޖް ލިބިގެންދާނެއެވެ. މީގެ އިތުރުން ރަށުގެ ގޭގެއާއި އެހެނިހެން ތަންތަނުގެ ލޮކޭޝަނާއި އެތަންތަނަށް ދާނެ ފަސޭހަ މަގު ދައްކައިދޭނެއެވެ.
ޑިޖިޓަލް މި ޗާޓުގެ ސަބަބުން ވިޔަފާރިތަކަށް ބޮޑެތި ފަސޭހަތަކެއް ލިބިގެންދާނެއެވެ. ޚާއްޞަކޮށް ޑެލިވަރީގެ ޚިދުމަތް ދޭ ވިޔަފާރިތަކަށް ކަސްޓަމަރުންގެ ލޮކޭޝަން ދެނެގަތުމަށާއި، އަވަސް ޚިދުމަތް ފޯރުކޮށްދިނުމަށް ފަސޭހަވެގެންދާނެއެވެ.
ފުވައްމުލަކަކީ ގިނަ އަދަދެއްގެ ފަތުރުވެރިން ޒިޔާރަތްކުރާ ރަށަކަށްވާއިރު،ޑިޖިޓަލް މި ޗާޓުގެ އެހީގައި ރަށަށް ޒިޔާރަތްކުރާ ފަރާތްތަކަށް ރަށުގެ އެކި ތަންތަން ފަސޭހައިން ދެނެގަނެ، ރަށުގެ ރީތިކަން ބަލާލުމުގެ ފުރުޞަތު އިތުރަށް ފަސޭހަ ވެގެންދާނެއެވެ. މި ޗާޓް ފަރުމާކޮށްފައިވާ ވަނީ އިނގިރޭސި ބަހާއި ދިވެހި ބަހުން ބަލާލެވޭގޮތަށެވެ.
މިއީ މި އިދާރާގެ މުއައްޒަފުން ތައްޔާރުކޮށްފައިވާ ޗާޓެކެވެ
ފުވައްމުލައް ސިޓީ މެޕް:
https://fuvahmulah.gov.mv/service/map