މި ދަފްތަރުގައި ރަޖިސްޓްރީ ކުރެވޭނީ ދިގު މުއްދަތުގެ ޖިސްމާނީ، ނުވަތަ ނަފްސާނީ، ނުވަތަ ހިއްސުތަކުގެ ނުވަތަ ސިކުނޑީގެ އުނިކަމެއް ހުރި މީހަކު އެ އުނިކަމެއްގެ ސަބަބުން ކުރިމަތިވާ އެންމެހައި ހުރަސްތަކާހުރެ މުޖުތަމަޢުގެ އެހެން މީހުންނާ އެއްހަމައެއްގައި ބޭނުންތެރި ގޮތުގައި އެންމެ ފުރިހަމައަށް ބައިވެރިވެ ޙަރަކާތްތެރިވެ އުޅުމަށް ދަތިވާ މީހުންނެވެ. އޭގެ ތެރޭގައި ހިމެނެނީ ފެނުމުގެ ނުކުޅެދުންތެރިކަން، އަޑުއިވުމާއި ވާހަކަދެއްކުމުގެ ނުކުޅެދުންތެރިކަން، ޖިސްމާނީ ނުކުޅެދުންތެރިކަން، ވިސްނުމުގެ ނުކުޅެދުންތެރިކަން / ސިކުނޑީގެ ނުކުޅެދުންތެރިކަން، ނަފްސާނީ ނުކުޅެދުންތެރިކަން، އޯޓިޒަމް ސްޕެކްޓްރަމް ޑިސްއޯޑާސް، އުނގެނުމުގެ ނުކުޅެދުންތެރިކަން، މަލްޓިޕަލް ޑިސްއެބިލިޓީ (ނުކުޅެދުންތެރިކަމުގެ އެއްކަމަށްވުރެ ގިނަ ކަންކަން ހުރުން) މީހުންނެވެ.