ގޯތި ރަޖިސްޓްރީ ކުރުމަކީ ބިމާއި ބެހޭ ޤާނޫނުގެ ދަށުން ދިރިއުޅުމަށް ދޫކުރެވޭ ކޮންމެ ބަންޑާރަ ގޯއްޗެއް، އެ ގޯއްޗެއް ދޫކުރާ އޮފީހުގައި ރަޖިސްޓްރީކޮށް، އެ ގޯއްޗެއް ދޫކުރެވޭ ފަރާތަށް، އެ ގޯއްޗެއް ރަޖިސްޓްރީކޮށް ދިނުން އަދި ދިރިއުޅުމަށް ދޫކޮށްފައިވާ ބަންޑާރަ ގޯއްޗެއް ރަޖިސްޓްރީ ހަދައިފައި ވަނިކޮށް ހިބައިން ނުވަތަ ތަރިކައިން ލިބިގެން ރަޖިސްޓްރީ ހެދުން.

އަލަށް ގޯތި ނުވަތަ ޢިމާރާތް ރަޖިސްޓަރީ ކުރުން

• ފުރަތަމަ މި ޚިދުމަތަށް އެދެވޭނީ ގޯތީގެ އިން ކަށަވަރުކޮށް ކަންމުޑި ރޭނުމަށްފަހު، ގޯތީގެ ނަން ފާސްކޮށްގެން
• ވަންގަވް މެދުވެރިކޮށް ޚިދުމަތަށް އެދި ފޯމު ލުން
• ގޯތީގެ މިންތަކާއި އެއްގޮތަށް ކަންމުޑި އެޅިފައިވާކަން ކަށަވަރުކޮށް އިދާރީގޮތުން ރަޖިސްޓްރީ ހަދައި ވެރިފަރާތާއި ޙަވާލު ކުރެވޭނެ

ގޯތި ނުވަތަ ޢިމާރާތުގެ ރަޖިސްޓަރީ އާ ކުރުން

• ގެއްލިގެން ނުވަތަ ރަޖިސްޓްރީ ބާވެގެން އާކުރަން އެދި ވަންގަވް މެދުވެރިކޮށް ފޯމުލުން
• ގެއްލިގެން ނަމަ ކައުންސިލުން ރަގިސްޓަރީއާއިބެހޭ މަޢުލޫމާތެއް ލިބިފައިވާ ފަރާތެއްވޭތޯ ބެލުމަށް ޢާއްމު އިޢުލާނެއް ކުރެވޭނެ
• ރަޖިސްޓަރީގެ ގެއްލިގެންނަމަ މިޚިދުމަތަށް ފީއެއް ދައްކަވަން ޖެހޭނެ
• ރަޖިސްޓަރީ ބައުވެގެން އާކުރާނަމަ ކުރީގެ ރަޖިސްޓަރީ ހުށަހަޅުއްވަންވާނެ
• ގޯތީގެ މިންތަކާއި އެއްގޮތަށް ކަންމުޑި އެޅިފައިވާކަން ކަށަވަރުކޮށް އިދާރީގޮތުން ރަޖިސްޓްރީ ހަދައި ވެރިފަރާތާއި ޙަވާލުކު ރެވޭނެ

ގޯތި ނުވަތަ ޢިމާރާތުގެ ރަޖިސްޓަރީ މަޢުލޫމާތު ބަދަލުވެގެން އާ ކުރުން

• ވަން ގަވް މެދުވަރިކޮށް ލޭންޑް އެންޑް ބިލްޑިންގ ރަޖިސްޓަރޭޝަންގެ ޗޭންޖް ނެންގެވުމަށްފަހު ކުރިއަށް ދެވޭނެ
• ނަން ނުވަތަ އެޑްރެސް ބަދަލުވެގެން ހުށަހަޅުއްވާނަމަ ކައުންސިލުން އެ މަޢުލޫމާތު ކަށަވަރުކުރެއްވުން
• ގޯތީގެ މިންތަކާއި އެއްގޮތަށް ކަންމުޑި އެޅިފައިވާކަން ކަށަވަރުކޮށް އިދާރީގޮތުން ރަޖިސްޓަރީ ހަދައި ވެރިފަރާތާއި ޙަވާލުކުރެވޭނެ

ޝަރީއަތުން މިލްކުވެރިކަން ބަދަލުވެގެން ރަޖިސްޓަރީ ކުރެވޭ ގޯތިތައް

• ބިން އިތުރު ފަރާތްތަކަށް ބަހާނަމަ, އޭގެ ކުރިން ގޯތީގެ އިން ކައުންސިލުން ކަށަވަރުކުރުކޮށް ކަންމުޑި ރާނައި، ގޯތީގެ ނަން ފާސްކުރަންވާނެ
• ވަންގަވް މެދުވެރިކޮށް އެޕްލައި ކުރުމަށް އެޕްލިކޭޝަން ޓައިޕަކަށް ޝަރުޢީގޮތުން މިލްކުވެފައިވާ ބިމެއްކަމަށް ނެގުން.