ބަނދަރުގެ ގަސްއިންދާފައިވާ ޕްލޮޓްތަކުގެތެރޭގައި ދޯނި ފަހަރުތަކުން އެންކޮއްޓާއި، އަދި މިނޫންވެސް ބައެއް ސާމާނު ބަހައްޓަމުންދާކަން ވަނީ ފާހަގަކުރެވިފައެވެ. ބަނދަރަކީ ރަށުގެ މޫނުމަތިކަމަށްވާއިރު، ބަނދަރު ސާފުތާހިރުކޮށް ބެލެހެއްޓުމަކީ ކޮންމެހެންވެސް ކުރަންޖެހޭ ވަރަށް މުހިއްމުކަމެކެވެ. އެހެންކަމުން، މިފަދަ ތަކެތި އެސަރަޙައްދުގައި ބެހެއްޓުމަކީ ރަށުގެ ސާފުތާހިރުކަން ގެއްލޭފަދަ ކަމަކަށްވާތީ، މިކަން ހައްލުކުރުމުގެ ގޮތުން މިފަދަތަކެތި ވަގުތީ ގޮތުން ބެހެއްޓުމަށް މިފްކޯއާއި އިންވެގެން އޮތް ހުސް ބިން މިހާރު ވަނީ ހަމަޖައްސާފައެވެ.

ވީމާ، ގަސްއިންދާފައިވާ ޕްލޮޓްތަކުގެތެރޭގައި ބަހައްޓާފައި ހުރި ތަކެތި އެތަކެތީގެ ވެރިފަރާތުން 5(ފަހެއް) ދުވަހުގެ ތެރޭގައި ނެގުމަށް އަންގަމެވެ. އަދި މިމުއްދަތުގައި މިތަކެތި ނުނަގައިފިނަމަ، ކައުންސިލުން އެތަކެތި ނަގައި ތަން ސާފުކުރާނެކަމުގައި ދެންނެވީމެވެ. އަދި ތަކެތި ނެގުމުގެ ތެރޭގައި ތަކެއްޗަށް ލިބޭ އެއްވެސް ގެއްލުމަކަށް ކައުންސިލުން ޒިންމާނުވާނެ ވާހަކަ ވެސް ދެންނެވީމެވެ.

12 ޝަޢުބާން 1446

11 ފެބުރުއަރީ 2025